Amasomo twungutse mu bihe bigoye bya Covid-19

Ntibyoroshye kumenyera ibihe bigoranye tugezemo. Nubwo bimeze bityo, muri buri nkubi y'umuyaga hari icyo twigira muri ibyo bihe. Uhereye igihe icyorezo cyatangiriye, nta gitekerezo nyakuri twari dufite ku gihe kizamara. Abizeye ko kizashira vuba bari bafite ibyiringiro, mu gihe ababonaga ibintu mu mwijima bo bari biteguye kuramba. Kubaho mu bihe bigoranye bisaba kugira ubushobozi bwo kwihangana, kwiyubaka bushya, gushakisha no kurenga imipaka yacu kugira ngo tube verisiyo nziza yacu, nubwo hari ingorane nyinshi duhanganye nazo. Muri rusange, ibi bihe bigoranye byadukinguriye amaso, bituma dusuzuma imbaraga zacu kandi duhangane n'ubwoba bwacu, cyane cyane mu bihe by'urujijo. Ni yo mpamvu hari imvugo imenyerewe ushobora kuba wumvise cyangwa wavuze – ‘Covid-19 yatwigishije...’ Twashoboraga kwandika igitabo cy'amasomo rusange twize kugeza ubu ku buzima mu bihe bigoranye. Hmmmh… umutwe wacyo wakaba uwuhe? Reka mbisige mubitekerezeho, ariko ubu reka dusuzume bimwe mu bintu by'ingenzi byagaragaye cyane muri icyorezo cya COVID-19.

Ubuzima bwawe bwo mu mutwe ni ingenzi

Impinduka ntizihora zoroshye, cyane cyane iyo zije zitunguranye kandi zigira ingaruka ku isi yose. Uhereye igihe icyorezo cya Covid-19 cyatangiriye, benshi muri twe twagize agahinda kubera impamvu nko gutinya ibitazwi, kwigunga, kubura akazi, impinduka mu mibereho n'izindi. Mbere, iki cyari ikibazo tutavugagaho cyane, ndetse twari dukeka ko tutazigera tugiruka ku mugaragaro cyane cyane mu muco wacu. Isi nshya dusanzwe tubamo yafashije koroshya kuvuga ku buzima bwo mu mutwe no gusenya imyumvire n'ibihuha byari bigihari.

Ibyo bivuzwe, dore ibintu bimwe ushobora gukora kugira ngo ukomeze kugira ubuzima bwiza bwo mu mutwe:

• Menya kugaragaza ibibazo byawe. Niba wumva ufite umunaniro w'agahinda, agahinda gakabije cyangwa kurenthwa n'ibibazo, ni byiza kuganira n'inshuti cyangwa umuntu w'umuhanga mu by'ubuzima bwo mu mutwe ku byiyumvo byawe.
• Gukora imyitozo ngororamubiri – itera icyizere cyawe, ikagabanya impungenge, umunaniro cyangwa agahinda.
• Menya gufata ikiruhuko – igihe cyose wumva urenemerewe cyangwa hari ikikuremereye, fata ikiruhuko kure y'ingaruka mbi kugira ngo ukire kandi wubake ubuzima bwiza bw'amarangamutima yawe.
• Menya kubara intsinzi zawe n'imigisha ufite – Ni byiza kwishimira ubwawe ukizihiza ibyo wagezeho n'intsinzi zawe kugeza ubu. Ibi bitera umuco wo gushimira.
• Shyira umwanya mu muryango. Umuryango ugira uruhare runini mu kutwubaka no kuba urwego rwa mbere rw'imibanire myiza. Dukeneye ubucuti kugira ngo dutere imbere mu buzima.

Uruta uko wiyumva kuba mukomezi

Iyo ubuzima bukujugunye mu mbogamizi n'ibibazo bitunguranye, ubigenza ute? Bamwe muri twe bahinduye ibibazo amahirwe kandi bakomeza urugendo nta gucogora. Ni mu bihe bikomeye cyane ni ho dukomera, tugakomezwa kandi tugafata umwanzuro wo gukomeza. Ubutwari bwo gukomeza bwatugejeje hano mu bihe bigoye - twabuze abo dukunda, twagize ibibazo by'ubukungu, twumva ko nta cyo dushobora kubikoraho kandi dusanga tudafite amakuru ahagije kubera ukutamenya ibizaba, tubona ubucuruzi bwacu busenyuka, kandi hari ibindi byinshi byateje umuvurungano. Hari ikintu kimwe ugomba kumenya: uri umuntu ukomeye! Kuki? Nubwo ibintu byinshi biri kukubaho, wabashije gutsinda imbogamizi zo muri iki gihe kandi uracyahari. Nyuma yo kunyura muri iki gihe kigoye, turagushimiye. Ntucike intege, wamaze kugera kure.

Ikoranabuhanga rigira uruhare rukomeye mu mibereho y'abaturage muri rusange

Twabonye udushya dutandukanye mu bijyanye n'porogaramu (applications) zatumye imikorere y'imiryango mpuzamahanga n'iy'imbere mu gihugu igera ku rwego rushya. Twabonye iturika ry'amashusho (video) yakoreshwaga mu buzima bwa buri munsi no mu bucuruzi. Ubucuruzi bwahindukiriye urubuga rwa digitale kugira ngo bugurishe, bwongere amafaranga binjiza, bwigishe, bushimishe kandi bukomeze gukorana n'abakiriya babwo. Igihe cya digitale cyihuse cyane kurusha uko byari byitezwe. Aho abantu batashoboraga kujya mu maduka, cyangwa ngo bakoreho cyangwa babone ibicuruzwa cyangwa serivisi, ikoranabuhanga ryubwenge nk'ibikorwa byo kureba ibicuruzwa mu buryo bw'ikoranabuhanga cyangwa kubigerageza, serivisi z'imari zikorerwa kuri interineti, n'ibindi, byaje gukoreshwa. Mu buzima bwacu bwite, inama zikorerwa kuri interineti zabaye ibisanzwe, yaba mu gutegura ubukwe, umuhango wo gushyingura cyangwa guhura n'amatsinda yacu yo kwizigamira n'izindi mbonezamubano. Ibyo ntibyarangiriye aho, kuko hashyizweho amabwiriza yo gutandukana hagati y'abantu, imikorere yacu y'ibyo twari dusanzwe dufata nk'ibisanzwe yahindutse rwose, uhereye ku mubare w'abantu bashobora kwitabira ibirori, uko dusuhuzanya, kugeza ku buryo twambara udupfukamunwa tugahisha iminwa n'amwenyu!

Umuntu ntabaho wenyine, kandi ntidushobora kwirengagiza akamaro k'imibanire y'abantu mu buzima bwacu. Uhereye igihe icyorezo cya Covid-19 cyatangiriye kugeza ubu, hakiri urwego rw'ubwigunge, imbogamizi mu ngendo, amasaha yo gutaha ntarenze n'andi mabwiriza menshi atubuza kugira imibanire yari isanzwe cyangwa gusura abavandimwe bacu hirya no hino ku isi. Ibyo bivuzwe, biratangaje kandi bishimishije kubona uko ikoranabuhanga ryorohereje guhuza abantu ku isi yose. Bigaragara ko ikoranabuhanga ari ingenzi cyane mu kugera ku baturage no kubahuza, gushyigikira ubufatanye, no kwigira ku bandi. Ikoranabuhanga ryose rigezweho rimaze kugaragara kugeza ubu rishingiye ku kintu kimwe gihuriweho: guhuza abaturage mu buryo runaka.

Turabizi ko hari amasomo menshi twize, harimo n'ibihe by'ubwoba bw'iherezo ry'isi n'amatsinda y'abakwirakwiza amakuru atari ukuri, bavuga ibyo bemera ko ari verisiyo yabo y'ukuri, bagatuma ibintu birushaho kuba urujijo. Cyangwa ko mu gihe cy'icyorezo cy'isi yose hari abashaka kunguka cyane binyuze mu bwenge bwabo no mu bushobozi bwo guhindura imikorere y'ubucuruzi bwabo bahuje n'uko ibintu bimeze ubu………cyangwa se abo bikungahaje mu buryo butabaye bwiza bakoresheje nabi uburyo buriho. Ubuzima ni ko bumeze. Twiga tukanabaho buri munsi. Twizeye ko muzagerageza gukoresha neza ibyo mufite ubu.

Icyakora, Turi kuruhande rwawe!